Talið á muslimskum brotskvinnum, ið hava søkt friðskjól í Danmark, økist, og Kriminalforsorgin kostar 3,5 mia kr árliga, skrivar danska Den korte avis.

Farnu 10 árini eru 11.000 umsøkjarar um friðskjól í Danmark funnir sekir í brotsverkum. Fongslaðir asylumsøkjarar verða vanliga settir fastir í Útferðar-deplinum Ellebæk tætt við Birkerød, í Nykøbing Falster og Åbenrå fongslum.

Bert í fjør sótu 1.620 umsøkjarar um friðskjól fongslaðir í teimum trimum fangastovnunum, umframt allar hinar tilflytararnar, ið sita fastir aðrastaðni. Av teimum vóru 1.620 menn og 224 kvinnur.

Danmark hevur tey 40 árini, síðan landið fór at fylla seg við útlendingum, havt somu trupulleikar sum onnur Vestanlond, ið hava gjørt brølaran at skaffa sær trupulleikar av, at fleiri fólkasløg nokta at læra siðir landsins, ið tey flyta til.

Síðan Danmark fór at senda brotsfólk aftur til heimlandið, hevur tað hjálpt nakað, so færri menn gera brotsverk nú til eftir at hava fingið borgararætt.

Men talið á brotskvinnum er hækkað syndarliga nógv. Í 2010 vóru bert 88 kvinnur, ið søktu friðskjól, dømdar fongsul fyri at bróta danska lóg.

Í fjør kom hetta tal heilt upp í 224 fongslaðar kvinnur. Ellesbæk depilin sigur, at onkur kann hava verið flýddur, fangaður aftur og tí skrásettur 2 ferðir.

Annars eru fongsul o.a. varðhaldsstovnar sum vant fullir av dømdum brotsmonnum, og teirra millum er eitt lutfalsliga stórt tal av útlendingum.

Danska Kriminalforsorgin kostar í ár 3,5 mia kr, sum í lutfalsliga stóran mun skyldast útlendskum klientum. Tað sæst á tølum, sum at íalt sita útivið 4.000 fólk fongslað nú, harav slakir 1.400 eru útlendskir tilflytarar.

Altso umboða tilflytarar slakar 30% av fongslaðum í Danmark, altso 4 ferðir so nógvir, sum teir lutfalsliga telja av fongslaðum dønum íalt.

Av hesum 30% eru yvir 75% tilflytarar úr ikki-vestanlondum. Irakar og somalar umboða størsta talið av fongslaðum brotsmonnum, og síðan koma dømdir turkar. Av øðrum útlendingum eru flest eysturevropear, skrivar Den korte avis.