Tað er ikki bert, tá tann akademiskt og professionelt sjálvnøgdi franski forsetin nú er farin at ekkóa høgravend sjónarmið hjá andstøðuleiðaranum, Marine le Pen.

Nú stjelur hin fagurlátni globalisturin Emmanuel Macron politikkin hjá Marine le Pen ímóti tilflytarum. Sosialistisku partafólk Macrons, Mette Frederiksen og Stefan Løfven stjala nú í kávalæti politikkin hjá DF og SD, sum í fleiri ára-10 hava hølvað landskaðiliga útlendingapolitikkin av hjá sosialistisku flokkunum í DK og Svøríki.

Víst er Frakland hart roynt av krúnukrími í summar, og tað hevur vent ranguna út hjá Macron o.ø. fronskum leiðarum. Teir hava verið skammfuktaðir av, at CCP-virusið hevur roynst Fraklandi eina beiskast við flest sjúkuraktum og deyðum í ES.

Sum partur av hesi landsskomm, hava fleiri franskir læknar í summar mælt til at brúka afrikanar sum medisinskar royndarkaninur í Fraklands søknaði eftir koppingarevni fyri COVID, skrivaði franski miðilin Slate.fr í París.

Fraklendingar hava altíð hildið seg sita á ovastu moralsku rók. Men flest onnur  heimsins fólkasløg vita, hvussu ótolandi snobbutir og hyklandi fransar eru.

Tað gav at býta í einum SV-kjaki millum nakrar av topp læknum Fraklands. Ein Jean-Paul Mira helt, at Frakland átti at kanna, um gamla BCG koppingarevnið fyri bróstsjúku ikki kundi verðið roynt við fólki í Afrika, har “ongar maskur, eingin viðgerð og eingin intensiv sjúkrastova er, sum órógva royndirnar,” segði læknin Mira.

Camille Locht, medisinskur leiðari í Tjóðstovninum fyri heilsu og heilivágsgransking, tók hjartaliga undir við Mira um hesa roynd við afrikanum, sum Slate.fr tekur til.

Hetta SV-kjakið loysti ein storm av mótmælum í altjóða miðlum. Millum tey argastu var sjálvur Dr. Tedros Adhanon, ovastin í WHO hjá ST, sum CCP mutrar til at renna ørindi fyri Kina ímóti restini av heiminum, tá onnur lond krevja, at Kina viðgongur og opinberar sín brotsliga leiklut móti mannaættini við bakteriologiskari krígsførslu.

Men hesin atburður er einki nýtt, tá um franskar skarnsgerðir móti hjálondum ræður, skrivar Slate.fr. Í 1927 ræddust franskir læknar eitt nýtt koppingarevni móti gulum febri og royndu nýggja heilivágin við royndarkaninum í tá franska hjálandinum Tunis.

Í 1954 doyðu fjøld av fólki í Cameroon, tá franskir granskarar góvu teim skaðiligt koppingarevni fyri sovisjúku. Hesi eru m.m.o. slík dømi í hjálandasøgu Fraklands.

Tað er í tøkum tíma, at henda ‘hjálanda vanvirðingin’ hjá Fraklandi verður steðgað, endar Slate.fr sína avhølving av fronsku stjórnini og leiðarum í heilsuverkinum.