Bøndur á Dieppe-leiðini í Norðurfraklandi eru vísir í, at úlvur er orsøk til, at teir finna seyð og hjørt sundurskræddan ymsastaðni á gørðum og í skógum.

Tað eru stórtíðindi, at úlvur nú aftur livir so vestaliga sum í Normandínum, fyrstu ferð í 100 ár. Vesturevropa hevur annars verið úlvafrítt, síðan úlvurin varð veiddur til týning í 1930-unum.

Nakrir fáir úlvar fluttu norður um Alpurnar úr Italia til Fraklands í 1990-árunum. Nú verður stovnurin í Suðurfraklandi hildin at vera um 530 úlvar.

Djóraverndarfólk í stríði við bøndur og bygdafólk hava roynt at tryggja hesum illa gitna villdjóri møguleika at yvirliva til at margfalda djóralívið í náttúruni.

Eric Battement, borgarstjóri í normannisku bygdini Mensil-Follenprise hevur sagt miðlunum, at ímillum Corona og úlvar kennir hann seg sum í Miðøld.

Enn er tó ikki ekki fallin á fólk yvirhøvur í Normandínum, tí sum sagt eru fronsku úlvarnir mest sæddir í landsynningspartinum av landinum.