Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
? / ??

Krúnukrím dró tað besta fram í mongum - í øðrum tað ringasta

Andøvsløtan | 25/10-2020 16:00

Undir stongslinum av flestu heimsins londum fekk ein fjøld av fólki hug til at gera væl móti sínum sóttarbundnu medmeniskjum.

Mong tónleikagávað sungu og spældu uttan fyri vindeygu. Onnur fóru til handils og gingu onnur ørindi til at hjálpa teimum í sóttarhaldi.

Men stríðið millum gott og ónt gongur gjøgnum hjartað á øllum okkum falnu syndarum, ið øllum fattast dýrd Guds fyri at sleppa til himmals ein dag, um vit so láta lív av krúnukrími ella øðrum ávum.

Ivaleyst búgva mong góð fólk í Norðurírlandi, har kappingin millum katolikkar og protestantar hevur roynt teirra trúarlív meiri enn fleiri øðrum, líka síðan ‘The troubles’ kyknaðu uppaftur seint í 1960-árunum og hava hildið fram til nýliga, tá líkinda friður og sátt fekst millum partarnar.

Mitt í Corona-stongslinum máttu myndugleikarnir í Belfast tó mæla fólki til varsemi og ikki at vera ov góðvarin móti øllum, ið buðu seg fram at hjálpa.

Løgreglan í Belfast ávaraði fólk ímóti vanæriligum (despicable) svikarum, sum gingu hús úr húsi og bankaðu á dyrnar hjá fólki og buðu sær at fara til handils, banka ella avheinta okkurt, tey høvdu bílagt ella ynsktu sær. Onkur beyð sær at koyra bilin til sýn ella á verkstað. Vælvild tóktist ikki at skorta, og takksemi teirra heimabundnu var ikki minni – ið hvussu er at byrja við.

Men í mongum førum rýmdu hesir brotsmenn við bæði peningi, ognum og vørum hjá teim góðvarnu, ið bíðaðu heima til fánýtis eftir vælgerðarfólkunum.

Hesar ótangagerðir vóru ikki avmarkaðar til Ulster, men serliga har.

Í býnum Barner funnu brotsmenn upp á at bjóða teim heimabundnu at sóttreinsa, meðan húsfólkini fóru út í nakrar tímar, og brotsmenninir tømdu húsini. Í onkrum býi rændu skálkar ‘matbankar’, ið buðu fólki at eta ókeypis. Matin seldu teir síðan fólki bíliga í telefon ella frá hurð til hurð.

Ein nógv brúkt brotsgerð var at møta upp hjá stórum matvøruhandlum við vøruvognum og føra seg fram sum umboð fyri matbankar, fylla bilarnar og so hvørva við vørunum, ið teir seldu fyri vinningin ístaðin fyri at geva teimum ‘fátæku’, ið avlopsmaturin varð ætlaður til av handlunum, ið lótu seg lumpa.


Meiningar og hugleiðingar ið verða bornar fram í sendingum á R7, umboða ikki meiningar, áskoðanir ella sjónarmið hjá leiðsluni í R7 Kringvarp.

Lýsing
Mest lisið í farnu viku
MYNADARØÐ: Aftur eitt plettskot hjá Halleluja-Sofusi
Gávan frá listamanni­num komin aftur til Kaggan
"so be it!"
Øll húsharhald fáa jólagávu frá hesi kommunununi í dag
Sera klossut av Fólka­flokki­num í Klaksvík
Onki hald í meining­ini - Johan Dahl
Á Torginum 17. nov. 2020 - Samrøða: Hanna og Sámal Jákup Hansen
Samrøða: Henrik Old um mat í gomlum døgum
Táið menn gera mun
Fráboðanir­nar um skaðar eru komnar úr 19 bygdum
Til minnis um Birgar Johannesen
Úr bandasavni­num: Samrøða við Atli Klein Olsen 1. partur
NØVN: Meinigheits­húsið í Havn tveir nýggjar stýrislimir
Brandur Sandoy: Er hon bygd til deyðavatn, ella hvat?
So skal tað takast niður
Vespureiðrið (161) - 23. nov. 2020
Frá áhugamáli til vinnuveg
NØVN: Heppin at hava lært hjá SEV
Teir eru byrjaðir at rigga til nýggja barna­garðin við Gøtugjógv
Úr bandasavni­num: Samrøða við Eyðun Joensen 4. partur
Samrøða: Gitte Klein um nýtsla av telduskíggjum í samband við heilsu
Nevndarlimir í LGBT Føroyar hittu Kaj Leo Johannesen
Fara at skráseta staðarnøvn í Vágs kommunu
Petur Hans Dahl, veðurfrøð­ingur: Veðurvá­nir fyri hesa vikuna (vika 48)
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi