Mangan havi eg hugsað hvussu tað man ávirka familjuna hjá mær, sum havi bjóðað meg fram í politikki og eri politiskt aktivur.

Gerð tað at verða maki hjá einum politikkara, at eins egnu møguleikar at bjóða seg fram til eitt nú lokalpolitikk verða verri enn um makin ikki hevði verið politiskt aktivur?

Nærliggjandi er kanska hjá fólki at hugsa, at tað at makin hjá einum sum gevst stillar upp, er fyri at halda áfram við somu kósini sum tann ið gevst førdi.

Nú er tað soleiðis, at ígjøgnum alt sum mær hevur verið fyri sum politikkara, og tað hevur ikki bara verið stuttligt altíð, hevur Anja staðið við mína lið og stuðla mær.

Tí komi eg av hjarta at stuðla henni, nú hon hevur gjørt av at bjóða seg fram til fólksins tænara. Lat ongan iva verða um tað.

Men fólk skulu vita at Anja hevur sín egna vilja og sínar egnu hugsjónir.

Anja hevur eina sterka rættvísiskenslu, er viljasterk og sjálvstøðugt hugsandi, meðan hon hevur eitt stórt hjarta fyri bleytum virðum og teimum sum stríðast við avbjóðingar.

Hevur tíðin í politikki lært meg nakað, so er tað at brúk er fyri fólki sum hevur hjartað á røttum stað, sum vil ofra seg, og ikki minst sum hevur evnini at liva seg inn í avbjóðingarnar sum fólkið hevur á staðnum.

Tí er Anja eftir míni bestu sannføring eitt gott boð hjá sandingum at seta krossin við 10. novembur

Eg ynski øllum eitt gott val, og vóni at valevnini og listarnir halda seg til vallyftir sum eru realistisk at gjøgnumføra innanfyri fíggjarligu styrkina hjá kommununi.

Alt annað gjøgnumskoðar veljarin uttan iva -  Hesi fáu orðini verða mítt íkast til kommunuvalið 2020

Tað skrivar Brandur Sandoy á facebook - vnga sínum.