Kristian Martin Petersen; Vinnulívið í Fuglafjarðar Kommunu rindaði uml. 19 mió. í partafelagsskatti í fjør
Vit kunnu staðfesta, at vinnulívið í Fuglafjarðar Kommunu rindaði uml. 19 mió. í partafelagsskatti í fjør, og afturat hesum kom á leið tað sama í havna- og vørugjøldum o.ø., sum hoyra til hørðu virðini.
Bróðurparturin av hesum verður skapt av virksemi, sum hevur við sjósíðuna at gera, men ikki alt sjálvandi, tí her eru handlar, tænastuvirki, handverkarar o.o., sum eisini rinda skatt. Men at lata íløgurnar í bryggjurnar standa eftir UTTAN inntøkur frá virkjunum, sum skapa sítt virksemi á hesum økinum og avleitt virksemi av tí sama, fær meg at hugsa um Winston Churchill, tá hann segði, at man skal bara stóla uppá tey hagtølini, sum man sjálvur hevur manipulerað!
Tann, sum ikki lesur tølini í røttum samanhangi, fer ofta skeivur.
Sjálvandi skulu vit taka vinnuligu inntøkurnar við í vinnuligu útreiðslurnar. Kvinnurnar, ella í øllum førum ein á Lista B, segði á demokratiafundinum í Mentanarhúsinum, at A+B skatturin í kommununi er so mikið stórur, at hann ber dagliga raksturin av kommununi, men inntøkurnar frá vinnulívinum eru tær, sum gera tað heila eitt sindur stuttligari heimi í miðbýnum og víða um í kommununi.
Í einari grein skrivaði eg herfyri, at Nes Kommuna hevur uml. 1 mió. kr. í partafelagsskatti um árið, svarandi til kr. 800 pr. íbúgva í 2019. Her hava vit uml. kr. 12.200 í partafelagsskatti pr. íbúgva. Hetta er ein partur av tí, sum vinnulívið gevur aftur til borgararnar, og hesir pengarnir høvdu manglað á tí stuttliga veinginum, um teir ikki komu í kassan.
Tað skrivar Kristian Martin Petersen valevni á lista B
til kommunuvalið í Fuglafjarðar kommunu
Mest lisið í farnu viku
Samband
Heygsvegur 8
490 Strendur