Bjóða økið við Miðhorn út í almennari sølu
Ásannandi at tørvur støðugt er á fleiri bústøðum í Tórshavnar kommunu, og at neyðugt er at útvega fleiri byggiøki, fer kommunan undir at bjóða økið við Miðhorn út í almennari sølu. Talan er um 48 leiguíbúðir, umframt eitt sethúsaøki.
Keyparin av ognini skal prosjektera útstykkingina, soleiðis at samlaða byggingin er skipað í eini heild í mun til lendið og felagsøki. Økið skal skipast við atliti at atkomuviðurskiftum fyri øll, bæði í byggingini sjálvari og í mun til atkomu- og ferðsluviðurskiftum í økinum.
Tilmælið frá umsitingini var, at umsitingin fær heimild at bjóða økið við Miðhorn út í almennari sølu, at útbjóðingin skal skipast í tvær verkætlanir, sum eru sethúsaøki og íbúðarbygging til leigu.
Hesum hevur ein meiriluti í teknisku nevnd, byggi- og býarskipanarnevndini og nú fíggjarnevndini tikið undir við. Málið kemur fyri á býráðsfundi í kvøld.
Mest lisið í farnu viku
Samband
Heygsvegur 8
490 Strendur