Fjøruvegurin
Tað er í lagi at vinna sær politiskt vald við reinum vápnum, men líka ódámligt er tað, tá skitin, óhóskilig og oyðileggjandi vápn verða drigin úr slíðrunum.
Gamalt var, at tøgn varð hildin, meðan rætturin sat og viðgjørdi eitt mál. Tann tíðin tykist vera farin, nú onkur, um okkara leiðir, av øllum alvi - í náðileysari sjálvprofilering - roynir at órógva málið um Fjøruvegin, sum Føroya løgting í hesum døgum hevur til viðgerðar. Ætlanin er sjálvandi at raka borgarstjóran, og um tað hendir, so er tað als ongin ólukka, men í ringasta føri, og tað verður ein vanlukka, dettur málið niðurfyri av óskiljandi møsninum hjá onkrum, sum veit - ella burdi vita - betur.
Vit hava buktast við hetta málið í áravís, har fleiri landsstýrismenn hava verið involveraðir, og fyri kortum gjørdu vit báðir Jørgen eina avtalu um málið. Jørgen er av tí gamla politiska skúlanum, har avtalur halda, eisini munnligar, og sum sæst á einu myndini, liggur fíggarligi parturin í uppskoti í løgtinginum í hesum døgum - hetta sæst á blaðsíðu 81 í uppskoti til Løgtingsfíggjarlóg fyri 2021.
Ávegis er eisini eitt løgtingslógaruppskot um sama mál, við støði í avtalu gjørd millum partarnar. Tað er í lagi at vinna sær politiskt vald við reinum vápnum, men líka ódámligt er tað, tá skitin, óhóskilig og oyðileggjandi vápn verða drigin úr slíðrunum.
Í hesum málinum snýr tað seg um, at Runavíkar kommuna skal standa fyri at gera Fjøruvegin, eiga hann, meðan landsmyndugleikin umvegis uppskot, sum liggja og eru á veg í løgtingið, stuðlar verkætlanini. Hetta snýr seg í útgangsstøðinum um eina politiska/fíggjarliga avtalu, sum Jørgen Niclasen og Tórbjørn Jacobsen hava gjørt, - sum annaðhvørt verður konfirmerað ella vrakað á Føroya løgtingi og í Runavíkar býráði.
Situatiónsfornemilsið er totalt fráverandi hjá viðkomandi valevni, nú hetta ger eitt frontalt álop á vital áhugamál hjá borgarum okkara - bert fyri egnan vinning.
Noreg var í eini spentari politiskari støðu í 1905, og høvundurin Bjørnstjerne Bjørnson skrivaði tá í einum fjarriti til Christian Michelsen: "Nu gjelder det å holde sammen."
Michelsen, táverandi forsætisráðharri, svaraði prompte aftur í fjarriti: "Nei, nu gjelder det å holde kjeft."
Dugir ein ikki tað, bara onkuntíð, so skal man halda seg langt burtur frá politiska pallinum
Tað skrivar Torbjørn Jacobsen á facebook-vanga sínum.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur