Um skrivi- og talufrælsi er í vanda, veldst um hvør tú ert, men mangt kundi bent á at ávís valevnir og fólk kunnu tykjast undirbrotlig av ófrættakendari øði, sum hevur til endamáls, at vinna og sætta sær sjálvum, bert fyri egnan fyrimun, sum valevni á lista A til kommunuvali 10. november 2020.

Men vit skilja eisini, hví ávís valevnir og fólk halda seg aftur, tá ávísir persónar sum hava eina aðra dagsskrá enn tey, koma við speiskum glósum, háða, spotta og happa, ikki bara alment, men eisini royna at lasta og vanæra tey út millum fólk.

Vit skulu í hesum døgum í størri mun verja um okkara fólkaræðisliga rætt til at øll valevnir, og allar borgarar, frítt at kunna tala teirra søk, uttan niðrandi viðmerkingar, og vit hava brúk fyri valevnum og fólki í okkara kommunu, har øll kunnu siga sína hjartans meining, uttan at verða happaði av teirri orsøk.

Opinleiki og gjøgnumskygni er lyklaorðið, og valevnir og borgarar skulu til eina og hvørja tíð verða hoyrdir og virdir, uttan mun til um talan er um stór ella smá mál. Øll valevnir og borgarar, skulu sjálvandi til eina hvørja tíð altíð verða vælkomin við sínum sjónarmiðum.