Í Runavíkar kommunu eru 15 bygdir, men nógvar kommunalar tænastur, arbeiðspláss og ítriv liggja í miðstaðarøkinum. Tað er týdningarmikið at allir borgarar, óansæð aldur og øki, hava eina lætta farleið til hesar tænastur.

Við góðum bussleiðum fáa vit samstundis lætt um verandi ferðslutrýstið í miðstaðarøkinum. Tað er av stórum týdningi at bussleiðin hevur umhvørvisvinarligar bussar og at tað er lætt atkomuligt hjá fólki við koyristóli at nýta.

Sum valevni á Borgaralistanum vil eg virka fyri:
- At stovna eina bussleið, sum røkir allar bygdir í kommununi
- At bussleiðin røkir flutningstørvin til kommunalar tænastur, skúla og ítróttarlig tilboð
- At verandi kommunalar busstænastur vera endurskoðaðar samsvarandi og samstarvað verður við grannakommunur

Jógvan Andersen, valevni á Borgaralistanum, listi D