Muslimar gevast ikki at troka sína turkatrúgv inn á fólk við aðrari (serliga kristnari) trúgv, so Islam vinnur fram í Vestanlondum, og kristnin viknar.

Tað gav at býta, tá Saudi Arabia beyð sær herfyri sum tekin um spekt og sóma at gjalda fyri og byggja nýggja mosku dygst við, har Twin Towers, World Trade Center, stóð í New York, áðrenn svakir islamar løgdu tað í oyði.

Hussein Obama stuðlaði hesum vakra ‘friðartanka’ og semjusøkjandi tilboð frá sínum trúarfeløgum í Miðeystri. Sosialistiski borgarstjórin í New York mælti eisini til at byggja mosku. Men onnur skilafólk avvístu blankt og vunnu. Eingin moska í nánd av staðnum, har islamar drupu 3.000 ósekar amerikanar.

Nú hevur strið tikið seg upp um eina mosku mitt í London. Ein ætlan um at brúka part av tí stóra Trocadero bygninginum á sjálvum Picadilly Circus til mosku hevur øst onglendingar og serliga londonbúgvar upp ímóti ætlanini.

Ein muslimskur ríkmaður, Asif Aziz eigur bygningin og hevur søkt Wesminster býráð um loyvi til at umbyggja veghæddina i bygninginum. Grundhæddin hevur staðið ónýtt síðan 2005.

Muslimski ríkmaðurin ynskir at brúka hæddina til mosku til ‘at tæna islamska samfelagnum og annars øllum øðrum trúarbólkum til nýtslu, ymisk ítrív og annars øll til at taka sær av løttum.

Tá umsóknin frá Aziz til býráðið í Westminster lendi úti á eini heimasíðu, regnaði inn til býrðaðið við mótmælum, ið fevndu frá veikum útsøgnum, sum at miðbýurin í London hóskar ikki til Islam, at Islam er ikki átrúnaðurin í Onglandi (hvør annar hann so enn er), til at ein moska á Picalilly Circus uttan iva fer at fáa LGBTQ-fólk, sum halda til í hópatali í Soho, at føla seg ótrygg.

Um nakar kennir seg tryggan ímóti Islam í London, so skulu vit minna á, at yvirborgarstjórin í býnum, sjálvur Lord Mayor, eitur Sadiq Khan, er sosialistiskur muslimur (nokk óneyðugt at nevna bæði orðini), og at 55% av íbúgvunum í London eru ikki fødd í Onglandi men í øðrum londum.

So hetta er neyvan tað seinasta, vit hoyra um nýggja mosku í Picadilly Circus.