Eini góð tíðindi frá heilsuhermótinum er, at betri sjúkugreining og viðgerð í Evropa ger, at eitt líðandi fall er í deyðsføllum av krabba í bløruhálskertli (prostata).

Millum bæði menn og kvinnur er annars lungnakrabbi mesta deyðsorsøk av krabba.

Hjá monnum er krabbi í bløruhálskertil enn næst vanligasta deyðsorsøk av krabba. Hjá kvinnum er bróstkrabbi næst vanligasta deyðsorsøk.

Hjá bæði kvinnum og monnum er krabbi í langanum triða vanligasta deyðsorsøk.

Hjá kvinnum er undirlívskrabbi 4. mest vanliga deyðsorsøk.

Taka vit tey trý mest vanligu krabbasløgini hjá monnum, lungna-, prostata- og krabba í langanum, so eru hesi 3 orsøk til heili 44% av øllum krabbadeyðum.

Hesi tøl tykjast ógvislig, men kanningar úr Milano vísa, at talið á deyðsføllum orsakað av krabba í bløruhálskertlinum er minkað úr sløkum 11 tilburðum av 100.000 monnum niður um 10 tilburðir av 100.000 monnum frá 2015 til í ár.

Í Bretlandi er talið á deyðsføllum frá bløruhálskrabba eitt vet hægri enn í ES.

Men góðu tíðindini eru, at bæði í Bretlandi og Evropa er tað ein 7-9% lækking eftir 5 árum.

Einasta land í ES, har talið á prostatadeyðum er kvinkað upp í hesum tíðarskeiði, er Póland.

Tað sigst, at granskingarstovnurin í Milano hevur slóðað undan tey farnu 5-10 árini og gjørt sjúkugreining og viðgerð meiri virkna til at fyribyrgja bløruhálskrabba enn higartil.