Tað var 3. november 2015 at R7 bjóðaði til almenna móttøku í Heiðahúsinum, Heiðavegur 25 í Saltangará. Í samband við at nýggja kringvarpsrásin R7 byrjaði, kundu fólk tá koma til almenna móttøku í okkara nýggju hølum í Eysturoynni. 

Petur Jacobsen, stjóri á R7, bjóðaði vælkomin og Magnus Rasmussen, sum var borgarstjóri tá, bar fram heilsu.

Í hesum tíðarskeiðnum hevur R7 kringvarpsrásin gjørt fleiri sendingar, sum m.a tíðindasendingar, sjómans-sendingina "2069", Vespureiðrið, Morgunsendingin "Morgun á R7", Á Torginum, Andøvsløtan, Brúgvin (Runavíkar Kommuna),  Eyssan, Evangeliska Røddin (EvR), Fuglafjarðarsendingina, Heilsusendingina Puls, Hugnaløtan, Hugnaløtan fyri børn, Infodio, Komið øll við, Kristiliga Tíðindasendingin, Leysaløtan, Metis, Mið-vikan, Norðlýsið á R7, Norðurrás, NOVA úr Suðuroynni, R7 Premier League, Rák, Sandoyarsendingin, Skakandi tilburðir, Stafettin, Tvístøða, Við Sjóvarmálan, Sendingar úr Svínoy, sendingar av Lítla Dímun, Countrysendingar, Bátastevnusendingar, politiskar sendingar, og fleiri beinleiðis sendnigar, sum onnur hava gjørt á R7. 

Fimm ár ganga skjótt, 2020 er um at enda og nýtt ár byrjar um tveir mánaðir. Hvørjar sendingar R7 ger í 2021 er ikki avgjørt enn. 

Meðan almenna móttøkan vardi frá kl. 13-15, var eisini sent beinleiðis út í luftina. Tóri Højgaard var vertur og hevði samrøður við Petur Jacobsen, Eyðun Jacobsen, Óla Breckmann, Tórbjørn Jacobsen, John William Joensen, Andrew Djurhuus, Hansa Hansen, Helgi Abrahamsen & Eivind Jacobsen.

Sendingin kann hoyrast her: