Annika Olsen og Bogi Andreasen: Felagshús verður bygt við Hoyvíksvøll
Felagshúsið við Hoyvíksvøll er partur av ætlanunum at økja trivnaðin í Hoyvík
Tórshavnar kommuna hevur sett 2,5 milliónir krónur av til fyrireiking, forprojektering og projektering av einum felagshúsi við Hoyvíksvøll. Hetta arbeiðið skal ganga skjótt – ætlanin er at seta spakan í longu síðst í komandi ári.
Í 2022 og 2023 verða ávikavist 10 og 15 milliónir krónur settar av til felagshølini við fótbóltsvøllin í Hoyvík.
Býráðið játtaði í farnu viku næstan 12 milliónir krónur til trivnað við Karlamagnusarbreyt. Hetta varð gjørt við m.a. at keypa tvey stór grundøki innaftur til parkering – umframt við at játta pening til ferðslutrygd, spælipláss og gongugøtur í økinum.
Tórshavnar kommuna hevur nýliga gjørt eina kanning av trivnaðinum við Karlamagnusarbreyt, og ein borgarafundur var herfyri í Skúlanum við Løgmannabreyt. Tá kom eisini fram ynski um, at okkurt verður gjørt við økið rundan um nýggja fótbóltsvøllin – felagshúsið var m.a. eisini nevnt.
Vit hava havt felagshúsið á skránni í eina tíð. Onkur helt, at vit høvdu gloymt felagshúsið, men vit vilja við hesum staðfesta, at so er ikki. Vit halda fram at arbeiða við málinum eftir valið, og sleppa vit innaftur í býráðið á valinum 10. november, so fylgja vit verkætlanini á mál.
Vit vilja ein sterkan og framsøknan høvuðsstað, tí har tíma fólk at búgva og virka.
Annika Olsen og Bogi Andreasen, valevni fyri Fólkaflokkin
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur