Verði eg útihýstur úr samgonguni fyri at atkvøða fyri, má tað bara vera soleiðis, sigur Johan Dahl við ensku orðunum “so be it”.

Johan Dahl letur seg ikki styggja av fráboðanum um at ongin samgonga er longur, um hann atkvøðir fyri at javnseta samkynd og hinskynd foreldur í Barilsskipanini. 

Tað skrivaði nordlysid.fo í gjárkvøldið, tá Johan Dahl hótti við at atkvøða fyri uppskotinum, sum andstøðan hevur lagt fram, at javnseta samkynd og hinskynd foreldur í Barilsskipanini. 

Sum svar ella aftursvar skrivaði Jógvan á Lakjuni á facebook-vanga sínum soleiðis: 

Bara til kunningar!
Samgongan hevur eina púra greiða avtalu á fyrstu síðu í samgonguskjalinum, sum sigur orðarætt:
"Í politiska arbeiðinum verða lógarbroytingar bert gjørdar, um semja er millum samgonguflokkarnar."

Eg sigi bara:
Um onkur ikki ætlar sær at halda avtaluna, "so be it!"