Teir eru byrjaðir at rigga til nýggja barnagarðin við Gøtugjógv
14. januar í ár skrivaði heimasíðan eysturkommuna.fo soleiðis, um nýggja barnagarðin við Gøtugjógv.
Nú verður gongd sett á arbeiði við at byggja ein nýggjan dagstovn við Gøtugjógv. Á býráðsfundi beint fyri jól samtykti býráðið at seta 12 mió. kr. av í 2020 til nýggjan dagstovn við Gøtugjógv. Restin verður síðan sett av í 2021 og 2022.
Talan er um nýbygging av dagstovninum Gjáa, sum í dag hevur pláss til 67 børn. Stovnurin leigar seg eisini inn í onnur høli við Gøtugjógv, har vøggustova er við 13 børnum. Nýggi dagstovnurin verður 1300 fermetrar til støddar og samlar allan dagstovnin á einum stað við plássi til 112 børn.
Nýggi dagstovnurin verður ein perla, sum kemur at liggja í vakra umhvørvinum undir plantasjuni við Gøtugjógv. Dentur er lagdur á náttúru, virkisføri og tað skapanarliga við íblástri frá føroyskari mentan og italsku Reggio Emilia hugsanini um námsfrøðiligt arbeiði.
– Vit eru glað fyri at hava verið partur av fyrireikingini av nýggja dagstovninum, sum verður bygdur við okkara námsfrøðiliga arbeiðshátti fyri eyga, sigur Dagbjørt Ólavsdóttir.
- Seinastu 10 árini hevur dagstovnurin Gjái bygt upp ein føroyskan námsfrøðiligan arbeiðshátt við støði í Reggio Emilia hugsanini. Hendan tekur støði í barninum, nærumhvørvinum og samfelagnum, vit liva í. Fleiri innlæringshættir verða eisini nýttir – lesa søgu, syngja sangir, kreativt arbeiði og drama – tí børn læra ymiskt. Eisini verður náttúran í økinum rundan um stovnin brúkt nógv.
Her endar teksturin hjá esturkommuna.fo.
Ein lesari sendi okkum hesa myndina, har ein broyt og lastbilur rokast við útgrevstur.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur