Mánadagur 23. Frískur vindur upp í hvassan vind 10-15 m/s av suðri snarandi í úts, regn og hitin 7-9 stig

Týsdagur 24. Hvassur vindur niður í frískan vind 16-10 m/s av úts, ælaveður, men sólin sær og hitin 6-8 stig

Ónsdagur 25. Um náttina andøvsgul av suðri 7 m/s, seinni upp til strúk av vindi av norði 8-12 m/s, okkurt æl fyrrapartin, men sólin sær og hitin 7-3 stig.

Tórsdagur 26. Útn snarandi í úts 5-14 m/s, fyri tað mesta turt og hitin 3-8 stig

Fríggjadagur 27. Úts 15-8 m/s, ælaveður um náttina, men seinni turt og hitin 7-8 stig

Leygardagur 28. Úts 10-5 m/s, okkurt æl, men sólin sær og hitin 7-8 stig

Sunnudagur 29. Hann melur av ymsum ættum 1-2 m/s, fyri tað mesta turt, sólin sæst og hitin 5-7 stig

Samanumtikið: Nakað av vindi, mest úts, regn av og á men lýtt.

Veðurtekn: Ein eldri dalbingur greiddi mær frá, at hann á yngri døgum gjørdi klárt at fara við líni við deksbáti. Hann var lands. í ættini, men veðrið var hampuligt. Ein annar maður, sum eisini ætlaði sær við línu, segði, at ikki var ráðiligt at fara. Sigur við dalbingin: ”Sært tú ikki inni í hasum skýnum ein rundan meldur. Vit kalla tað tólvjavningar dansa”. Tað bleiv av ringasta veðri, og teir fóru tíbetur ongan veg.

Petur Hans sigur um veðrið á Ovarugøtu kl. 7 í morgun: Lands 5 m/s, regn og hitin 5 stig