Eysturkommuna: Fíggjarætlan hjá Eysturkommunu fyri 2021
Býráðið samtykti á býráðsfundi í gjár, hósdagin 26. november 2020, fíggjarætlanina fyri 2021.
Samlaðu inntøkurnar verða 119,5 mió. Rakstrarútreiðslurnar verða 98 mió. Hetta er ein hækking uppá 3,9%, hækkingin er í høvuðsheitum lønarhækking uppá 2% og økt játtan til eldrasamstarvið Nánd.
Ætlaðu íløgurnar í 2021 verða 62 mió. Størstu íløgurnar eru 30 mió. til nýggja barnagarðin við Gøtugjógv, 10 mió. til útbygging av eldrasambýlinum Giljagarði í Leirvík. 5 mió. eru avsettar til sjóhitaverkæltanin í Leirvík, og 4 mió. eru avsettar til útstykking í Leirvík. Peningur er eisini settur av til umvæling av skúlanum við Gøtugjógv, havnaverkætlanina undir Gøtueiði, umframt fleiri aðrar smærri íløgur.
Avdráttirnir í 2021 verða 7,8 mió. og rentuútreiðslurnar verða 1 mió. Samlaða úrslitið (RLÚ) verður eitt hall á 43 mió., og úrslitið aftaná avdráttir verður 50,7 mió.
Skattaprosentið verður óbroytt 21, og barnafrádrátturin verður eisini óbroyttur 8.000,00 kr.
Høvuðstølini á fíggjarætlanini eru hesi:
Inntøkur 119.471.000
Rakstrarútreiðslur 98.004.000
Rentuútreiðlsur 1.057.000
Útreiðslur til rentustuðul 1.300.000
Íløgur 62.075.000
RLÚ -42.965.000
Avdráttir 7.771.000
Úrslit aftaná avdráttir -50.736.000
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur