0,- kr./null krónir settar av til Suðuroyartunnilin á Fíggjarlógaruppskotinum fyri 2021
Hvar er Suðuroyartunnilin...? “Gongst sum ætlað verður seinasta skotið í Sandoyartunlinum latið av um eitt ár ella so”, skrivar KVF á heimasíðuni.
Samstundis kann staðfestast, at 0,- kr. / null krónir eru settar av til Suðuroyartunnilin á Fíggjarlógaruppskotinum fyri 2021. Avlopið av játtanini á Fíggjarlógini fyri 2020 verður tó flutt til 2021 - talan er um 800.000 kr.
Nú 60 prosent av Sandoyartunlinum er borað - og seinasta skotið verður latið um eitt ár ella so, so kennist tað hugstoytt, at Suðuroyartunnilin ikki hevur størri raðfesting.
Við Eysturoyartunlinum og Sandoyartunlinum kunnu umleið 90% av føroyafólki koyra í túni hvør hjá øðrum - og tað er eisini sjón fyri søgn, at atkoma til meginøkið hevur stóran týdning fyri vøkstur, bæði fólkavøkstur, vinnuligan vøkstur og búskaparvøkstur.
So hvørt sum restin av Føroyum verða tættari samanbundnar og “vakstrar-ferðin” ferð upp, “missir” Suðuroyggin - tann veruleikan kunnu vit ella landsins kosnu ikki renna undan.
Mest lisið í farnu viku
Samband
Heygsvegur 8
490 Strendur