Ólavur Poulsen: Hybrid bilar mvg-frítiknir - tað kunnu tey ikki meina
Tað verður ársins joke, um hettar verður samtykt – og fer helst í heimspressuna:
Uppskot hjá samgonguni: At lækka virðisavgjaldið á akførum við hybrid tøkni og akførum við plugin-hybrid tøkni.
Hybrid bilar kunnu ikki brenna annað enn bensin ella diesel – tvs als ikki el.
Orsøkin til Hybrid bilar er/var at kunnu koyra inni í stórbýum við battarí, uttan at osa, meðan teir koyrdu har.
Síðan løða teir battaríini tá teir koyra aðrastaðni og í býum við bensin ella diesel motori – fyri at løða battaríið. Battaríið kann ikki løðast frá løðistøð.
Plug-in hybrid koyra við el og battaríið kann løðast frá løðistøð; men vanliga/oftast koyra teir mest upp á bensin ella diesel, hevur víst seg, og tí verða teir vanliga ikki frítiknir fyri avgjald.
PS: Plug-in hybrid fara væntandi úr framleiðslu aftur um nøkur ár, vegna skjóta menning av battaríum. Men teir eru ‘góðir’ nú har tú skalt koyra langar teinar - uttanlands. Men hattar er ein fyribilsloysn, og eiga ikki frítakast fyri mvg í Føroyum, tí hettar fer bert at seinka og forvirra orkuskiftið.
Vit hava ovmikið av bilum í Føroym, tungar bilar, vegna ov lágt avgjald á tungum bilum.
Eisini hevur holið/reglurnar í lógini fyri mvg frítøku hjá bilútleigarum, gjørt, at vit hava so nógvar tungar mvg-frítiknar bensin og diesel bilar í Føroyum – hagtøl kundu verið áhugaverd.
Ólavur Poulsen
Vatnsoyrar
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur