Kirkjurenning nú kl. 10.00 byrjar í Klaksvík
Eins og undanfarin ár skipar Treysti fyri Kirkjurenning jólaaftansmorgun. Men vegna korona verður øðrvísi í ár
Eins og undanfarin ár so skipar Treysti fyri Kirkjurenning jólaaftansmorgun. Hetta verður longu trettanda ferðin Treysti skipar fyri renning jólaaftan. Fólk hava tikið sera væl undir við hugskotinum. Tí er avgjørt at skipa fyri aftur Jólaaftan 2020.
Undanfarin ár hevur verið koyrt til Kunoyar við bussi og runnið frá Kunoyar Kirkju til Christianskirkjuna. Eftir renningina hevur Treysti bjóðað morgunmat á Amarant. Men vegna korona-tilmælir, so verður tiltakið broytt í ár.
Runnið verður frá Christianskirkjuni og aftur til kirkjuna. Runnið/ginngið verður í 30 til 45 minuttir íalt. Vit møta við Christianskirkjuna kl. 9.50 og byrja at renna/ganga kl. 10.00. Eftir renningina bjóðar Treysti okkurt leskandi uttanfyri kirkjuna. Talan er um ein hugnaligan rennitúr og als ikki um eina rennikapping. Um onkur ætlar at renna/ganga styttri so ber tað sjálvandi eisini til.
Øll eru vælkomin at luttaka og minnist til korona-tilmælini.
Mest lisið í farnu viku
Samband
Heygsvegur 8
490 Strendur