Kunning til allar kundar, ið Posta innflytur vøru fyri, og sum fáa vøru útflýggjaða við teirri treyt, at hon er tollavgreidd innan 14. dagar eftir komu til landið.

TAKS hevur hert eftirlitið av hesum sendingum og kann frameftir áleggja eina sekt, áljóðandi kr. 2.000,00 fyri hvørja sending, ið ikki er tollavgreidd innan 14 dagar eftir komu til landið.

Vit gera hervið vart við, at hesar sektir verða sendar víðari til móttakaran av sendingini. Vinarliga syrgið fyri at allar tykkara sendingar verða tollavgreiddar innan teir loyvdu 14 dagarnar.

Um tit hava spurningar ella viðmerkingar til hetta, so eru tit vælkomin at seta tykkum í samband við okkum við at senda teldupost til frakt@posta.fo.

Víst verður til rundskriv frá TAKS: https://www.taks.fo/fo/log/rundskriv/nr-3-2016-fyrisitingarligar-sektarasetingar-fyri-brot-a-tolllogina/