Trump hevur biði herin um at oyða ISIS fullkomuliga
Trump hevur biði herin um at oyða ISIS fullkomuliga. Hetta skal gerast við at drepa so nógvar ISIS-stríðsmenn sum gjørligt.
Sambært James Mattis, verjumálaráðharra, so hevur amerikanski herurin fingið boð um at gera av so nógvir ISIS-stríðsmenn sum gjørligt. Endamálið er at forða fyri, at teir sleppa aftur til heimlond síni og soleiðis verða ein hóttan har.
Tað skrivar amerikanski netmiðilin American Military News. Mattis sigur, at forsetin hevur givið boð um at herurin skal broyta taktikkin soleiðis, at man heldur enn at trýsta fíggindan út úr einum býi, roynir at gera av við so nógvar ISIS-stríðsmenn sum gjørligt.
Hildi verður, at ein stórur partur av teimum ið kríggjast fyri ISIS eru útlendingar. Tað vil siga, at teir koma hvørki úr Irak ella Sýria.
Mattis sigur, at flýggjandi yvirgangsfólkini eru ein hóttan móti heimlondum sínum, og endamálið, sigur hann, er at drepa fíggindan áðrenn hann kann flýggja aftur til heimland sítt og kanska fremja yvirgang har.
Bardagin móti ISIS var ein týðandi táttur í valstríðnum hjá Donald Trump, og stutt eftir at hann varð tikin í eið gav hann verjumálaráðnum 30 dagar at koma við eini ætlan ið skuldi gera av við ISIS einaferð med alla.
Mest lisið í farnu viku
Samband
Heygsvegur 8
490 Strendur