Veðurlagið:

Lýggj og slavin luft streymar framvegis inn yvir Føroyar av suðri. Út á náttina kemur ein kuldabrúgv inn yvir oyggjarnar av útsynningi. Sunnudagin kemur eitt lágtrýst framvið og síðani kemur ein hátrýstryggur. Seinni í komandi viku koma brúgvaløg við regni.

Veðurvánirnar:

Gul til frískan vind av suðri, 5 til 10 m/s, sum eitt skifti verður minni enn 8 m/s. Mest skýggjað og támut og onkrastaðni mjørki og av og á regn. Tó kunnu vit eisini fáa onkrar sólglottar. Í  nátt verður skýggjað við regni av og á, og onkrastaðni mjørki. Hitin alt samdøgrið fer at liggja millum 8 og 13 stig.  

Veðrið Leygardagin:

Lot til andøvsgul av útsynningi, sum snarar í vestan og útnyrðing, undir 8 m/s. Yvirskýggjað og løtur við regni og onkrastaðni mjørki, men sum frálíður verður turt fyri tað mesta. Hitin verður millum 8 og 13 stig. Um kvøldið og náttina verður gul til frískan vind av útnyrðingi og norði, 5 til 10 m/s. Turt fyri tað mesta og tað kann klárna . Hitin verður um 8 stig.

Og veðrið sunnudagin:

Gul til frískan vind av útnyrðingi og vestri, 5 til 10 m/s, sum seinnapartin minkar til lot til andøvsgul av vestri og útsynningi, undir 8 m/s. Turt fyri tað mesta við nakað av sól, men onkrastaðni kann tað eisini verða mjørki. Hitin um dagin fer at liggja um 10 stig, um náttina millum 5 og 8 stig.