- Síðstu mánaðirnar hava vit gjørt skipið klárt til kalvaveiðu og fara ætlandi avstað í annaðkvøld við kós móti Nýfundlandi. Vit fara at ísa kalvan umborð og avreiða hann har yviri.- Tað sigur Kristian Mathisen, skipari, á Borðoyarnesi.

- Skipið hevur fingið loyvi at fiska og landa hvítkalvan har yviri. Royndirnar í fjør vóru so mikið góðar, at felagið hevur valt at gera íløgur í annað skip, meiri hóskandi til hesa veiðu.
Skipið er gjøgnumgingið og dagført, so tað er í góðum standi. Vit hava eisini keypt nýggjastu útgávu av Linetec, frá J. Dahl. Linetec er ein skipan, sum stýrir dragingini av línuni,- sigur hann.

- Eftir ætlan fara vit at landa har, sum keyparin vil hava fiskin. Bæði landingin at fáa ís, vatn, olju v.m, hevur kravt nógva fyrireiking, so hetta fer at eydnast.
Vit hava roynt at fyrireikað okkum væl, tí tað er langur vegur at fara,- sigur Kristian Mathisen.
10 mans vera við.

Teimum og sjófólkunum annars verður ynskt Guds signing og varðveitslu.

Kelda: www.facebook.com/sjomansmissionin