-Vit fiskaðu í fimm dagar sunnanfyri Føroyar og hava gott 1900 tons av svartkjafti inni. Síðsta hálið fingu vit trupulleikar við girinum á øðrum spælinum, so vit steðgaðu fiskiskapinum,-
Tað sigur Daði Torsteinsson, skipari, á íslendska pelagiska trolaranum Aðalsteinn Jonssyni frá Eskifirði.

-Vit komu so inn á Runavík, har KJ Hydralik tekur girini av báðum spølunum fyri at yvirhála tey. Tá tey eru komin í land, fara vit til Eskufjarðar at landa,- segði Daði, við sjómanstrúboðaran, sum vitjaði umborð í gjár.

Í messuni stákaðist kokkurin, sum tosaði føroyskt, um enn við íslendskari málføri (dialekt).

-Eg eri bara við sum avloysari, nú koronan hevur lagt alla matstovuvinnu lamna í Íslandi.
Eg búgvi í Reykjavík, har eg eigi og reki matstovuna Orangecafé, men har er einki at gera vegna Covit 19 farsóttina, so nú eri eg við her sum avloysari. Pápi sigldi hjá hesum reiðarínum, tann tíð tað var,- Tað sigur Bergleif Joensen, yngri, sonur Bergleif Joensen, úr Fuglafirði.

-Vit búðu í Fuglafirði í tvey ár, frá tí eg var umleið 6-8 ár og tað vóru góð ár. Eg havi gott samband við familjuna í Føroyum og eri stoltur av at vera hálvur føroyingur,- sigur Bergleif.

Teir vóru blíðir við sjómanstrúboðarin, sum hevði lesnað við. Eisini vóru teir heilsaðir við gomlu føroysku heilsanini:
Góðan túr og Jesus fylgi tykkum!

Teimum og sjófólkunum annars verður ynskt Guds signing og varðveitslu.

Kelda: https://www.facebook.com/sjomansmissionin