Ein brokkmanslestur.
Nú má tað píkasjey setast ein steðgur fyri at vinnan og ítróttarfeløg bara frítt sleppa at innflyta útlendingar. Ikki tí tað er okkara ráðandi at takka fyri lógirnar, sum vit hava her, so vinnan/ítrótturin brúka bara teir møguleikar tey hava undir lógini. Men moralskt - tey skuldu verið flongd.
Eg sigi ikki at føroyingar ikki eru kriminellir, haldi bara tað er løgi, at samstundis sum vit hópinnflyta útlendingar, so veksur kriminaliteturin (so nógv, at vit av løgregluovastanum verða biðin um at steingja hurðarnar) og rúsevnistrupuleikarnir.
Fyri nøkrum árum síðani drap ein serbi ein føroying, og løgreglan og kvf arbeiddu saman um at døma mannin áðrenn hann so mikið hevði verið fyri einum dómara. Men nú er støðan ein onnur, nú skal alt goymast sum reyða gull.
Eg haldi at vit skulu lata allar útlendingar, sum vit hava brúk fyri til vinnuna og ítróttin og til at ganga og mæla niðri í miðbýnum í Havn og í SMS, koma inn. Bjóðið teimum endurliga vælkomin. Men tá tey koma skulu tey fáa at vita hvørjar møguleikar og skyldur tey hava sum borgarir í Føroyum og vigtigast:
Tey skulu fáa at vita at gera tey tað minsta ólóligt - selja rúsevnir ella koyra ov skjótt - verða tey send av landinum. Og tað óansæð um tey hava familju her, um tey siga seg verða dripin um tey koma heim. Hetta skulu tey hava at vita og føroyskir mynduleikar skulu halda hetta - tvs. eingin góða mamma. Beint av landinum, farvæl, ikki inn at sita (tað skulu vit ikki betala fyri oman á tað heila).
Og tað skal eingin top-advokatur blandast inní hetta: "jamen, tað er ímóti lóging (so broyt lógina, tit eru skjót nokk til at broyta lógir sum t.d. taka pengar frá pensjonistum) og tað kunnu vit ikki. Eingin av londinum rundan um okkum ger hetta (og hvussu er skilið í hesum londunum?). Hvat við mannarættindunum?"
Ja, hvat við mannarættindunum hjá gentunum sum gangan niðri í miðbýnum í Havn og selja seg til pervers svín, tí tær muga hava stoffir? Hvat við mannarættindunum til tey sum eru heimleys? Tí eitt eri eg vís í, at hesir útlendingar, sum koma higar liggja ikki á gøtuni og sova um náttina.
Sum tit flestu vitað, so havi eg í fleiri ár stuðla Miðflokkinum - flokkurin sum rópar seg uppá at standa fyri tey veikastu í samfelagnum - nei slut ongan stuðul frá mær longur. Åh vit kunnu ikki lata samkynd giftast, vit muga ikki lata tey fáa børn og fáa tey so børn, muga tey so absolutt ikki koma í barsilsskipanina - Flokkurin, sum sigur at vit taka ikki undir við nøkrum uppskoti (góðum ella vánaligum) frá andstøðuni - åh for sørin, nú gloymdi eg ófødda barnið - my goodness (eg eri samd) ófødda barnið hevur eins stórt virið sum fødda barnið, men skulu vit ikki takað okkum av føddu børnunum, sum blíva lokkaði í eina rúsevnis fellu? Tað er ikki bara Miðflokkurin. Tað er bara av Miðflokkinum eg eri mest skuffa.
Eg vil annars pástanda, at tað ber til at steðga 99% av rúsevnunum sum verða smuglaði inn í landið. Har er bara eingin veruligur vilji til staðar. Liggja og koyra eftir tunaðum prutlum - haló - eg hevði skammast av at verið løgreglufólk í dag.
EG ERI SO RASANDI, KEDD OG VAMLIST AV VINNUNI, ÍTRÓTTINUM OG OKKARA RÁÐANDI OG LØGREGLUNI.
Gud náði okkum øll, sigi eg bara.
Umskylda, hetta er so kringlut skrivað, men eg meini hvørt eitt einasta orð.
Unn Hentze
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur