Ógvislig forfylging av kristnum í Norðurkorea
Í 20 ár hevur norðurkorenska stjørnin ligið ovast yvir lond, sum kúga kristin.
Tey, ið verða avdúkað sum kristin, verða handtikin, pínd og send í kz-arbeiðslegur. Legurnar hava eitt endamál, og tað er at kúga menniskju. Nærum eingin kemur livandi út aftur. Open Doors metir, at í løtuni eru umleið 50-70.000 kristin í slíkum legum. Aleið 30 prosent eru kvinnur. Umframt at umstøðurnar eru ræðuligar í slíkum legum, eru kvinnurnar áhaldandi neyðtiknar og útsettar fyr kynsligum ágangi.
Mett verður, at áleið 300.000–500.000 eru loyniliga kristin í Norðurkorea. Hóast ógvisligu forfylgingina er talið av kristnum kortini vaksandi. Open Doors stuðlar teimum kristnu í Norðurkorea gjøgnum ymiskar skipanir í Kina. Millum annað við mati og neyðhjálp. Eisini býta vit út bíbliur og veita frálæru gjøgnum útvarpssendingar.
Open Doors hevur eisini heim kring um í Kina, sum hjálpa flóttarfólki úr Norðurkorea. 80 prosent av flóttarfólkinum eru kvinnur. Hesar eru serliga hóttar av ólógligum menniskjahandli.
Bið fyri teimum, sum í loyndum eru kristin í Norðurkorea.
Bið at Gud framvegis má styrkja tey, geva tað teimum tørvar og eisini at verja og varða tey.
Mest lisið í farnu viku
Samband
Heygsvegur 8
490 Strendur