Bókaframløga við nýggjari barnabók eftir Elsubeth M. Fossádal í Norðurlandahúsinum
Sunnudagin 7. februar 2021 klokkan 15 til 16 verður ein hugnalig barnabókaframløga í Norðurlandahúsinum. Rithøvundurin og læknin Elsubeth M. Fossádal hevur júst skrivað eina nýggja barnabók, sum kallast Alva og Lias, og á tiltakinum fer hon at at lesa upp úr bókini. Eisini verður tónleikur á skránni, og at enda fáa børnini okkurt søtt til góman.
Skráin
- Vælkomin
- Jón Eliassen syngur eitt barnalag og spælir klaver
- Elsubeth M. Fossádal lesur upp úr bókini
- Jón Eliassen spælir eitt lag ella tvey afturat
- Børnini fáa grønan ís júst sum Alva og Lias í bókini
Bókin fæst fyri serprís á tiltakinum.
Tiltakið er eitt samstarv millum Bókadeild Føroya Lærarafelags og Norðurlandahúsið.
Avmarkað atgongd
Tilmelding krevst til øll tiltøk, eisini til tey, ið eru ókeypis. Hetta fyri at tryggja, at pláss er til øll og til smittuslóð. Meldið tykkum til inni á www.nlh.fo
Eitt sindur um bókina
Alva og Lias er ein fitt, upprunaføroysk myndabók við søgum og fakta eftir Elsubeth M. Fossádal. Kathrina Skarðsá hevur myndprýtt. Í bókini eru tríggjar søgur um systkini Alvu og Lias, sum eins og øll onnur børn onkuntíð meiðsla seg ella gerast sjúk. Aftan á hvørja søgu er ein faktasíða, har ein lækni greiðir barninum frá tí, sum hendir í søguni - hvat tað er at fara til barnakanning, um ovurviðkvæmi, og hvat vit skulu gera, um vit brenna okkum.
Mest lisið í farnu viku
Samband
Heygsvegur 8
490 Strendur