Terji Rasmussen er ein av luttakarunum í Nýskapan í ferðavinnuni, sum í ár tekur støði í ferðavinnuni í Nólsoy.

Terji fer í samstarvi við Visit Nólsoy at menna eina kunnandi heimasíðu, ið skal hýsa øllum tiltøkum umframt alla kunning um hentleikar og annað viðkomandi í Nólsoy. Endamálið er, at tað skal vera lætt hjá ferðafólkum og føroyingum at fáa yvirlit yvir, hvat tú kanst uppliva í Nólsoy. 

Nýskapan í ferðavinnuni endar við einum forvitnisligum tiltaki fríggjadagin 5. mars, har fólk í ferðavinnuni verða boðin til Nólsoyar at royna ymisku tilboðini, sum nú verða ment í oynni.