- Tað er eitt stórt fet inn í framtíðina, siga 19 ára gomlu tvíburarnir Adama og Awa Faye úr Gambia, sum hava búð í Føroyum í fimm ár.

Tær fegnast um skeiðini á Tórshavnar Kvøldskúla og vísa á, at tað hevur sera stóran týdning í øllum vanligum gerandislívi at duga føroyskt, tí málið er fremsti samskiftismiðilin og lykilin inn í føroyska samfelagið og føroysku mentanina.

- Tað hevur gingið ógvuliga væl, og vit hava lært sera nógv upp á stutta tíð, siga tær.
Men tað er trupult at læra føroyskt, halda tær. Serliga eru tað bendingarnar, sum hava elvt til høvuðbrýggj. Men væl liggur fyri, og í summar ætla Adama og Awa sær undir víðari miðnámsskúlaútbúgving á Glasi í Havn.

Stórt hátíðarhald við røðum, sangi og tónleiki var í Müllers Pakkhúsi í farnu viku, har Jógvan Sørin Hansen, leiðari fyri Tórshavnar Kvøldskúla, handaði skeiðsváttanirnar.

Les meira HER