Vil tú hava mold undir neglirnar?
Droymir tú eisini um at summarið er fylt við smáum søtum gularótum? Og at tú allan veturin etur tíni egnu epli? At røreggini frá hønunum verður gjørd við føroyskum purrum; og at jólini verða hildin við skyggjandi grønum nýupptiknum grønkáli?
Ella kanska hevur tú eitt festi og hevur dreymir um at gerast grønmetisbóndi?
Ella kanska droymir tú bara um at gera okkurt heilt annað, og koma á háskúla í 8 ella 16 vikur?
Á Moldmentanarskeiðinum fara vit ígjøgnum øll lið í væleydnaðari og burðardyggari grønmetisvelting - bæði í teori og praksis. Vit arbeiða við teirri vitan sum longu finnst um grønmetisvelting í Føroyum, men arbeiða samstundis eisini saman um at skapa nýggja vitan.
Vit fara at læra um mold, tí um planturnar (og vit menniskju) skulu trívast, má moldin eisini trívast. Vit læra um ymisk sløg av tøð, um drening, um ilting av jørð, um lívd og mangt mangt annað, sum kann gera, at mold, plantur, fólk og fæ kunnu trívast.
Vit fara at seta niður, og læra um hvat skal til, fyri at ymsar plantur, blómur og ymiskt grønmeti skal grógva væl.
Og so gera vit eisini ymiskar heilt nýggjar royndir, og eru soleiðis við til at menna møguleikarnar við grønmetisvelting í Føroyum.
Nú ert tilmeldingin á heimasíðuni latin upp. Kemur tú við? Kom við! :)
Les meira á heimasíðu okkara www.moldmentan.fo
Mest lisið í farnu viku
Samband
Heygsvegur 8
490 Strendur