Leygardagurin 13. februar var ein feigdardagur fyri Setrið, tí tá andaðist Vár í Ólavsstovu, lektari á Námsvísindadeildini, brádliga, 62 ára gomul. Ikki bara Námsvísindadeildin er hart rakt, tí Vár hevði tætt tilknýti til alt Setrið, serliga Føroyamálsdeildina.

Vár var ein eldsál, sum var heil, har hon var. Hon var ikki bert ein sera vældámdur undirvísari, hon var eisini granskari, netverkari, íverksetari, samskipari og ein sera sosialur persónur, sum skipaði fyri tiltøkum, bæði til frama fyri lesandi og starvsfelagar. Eisini var hon sera virkin í almenna orðaskiftinum og var ofta í miðlunum, serliga í sambandi við mentanarligar og bókmentaligar spurningar.

Les meira her: www.setur.fo