Stóri finaludagurin og hátíðarhald
Seinasta kappingin í vetrarhálvuni 2020/2021 verður komandi Leygardag, tann 13. mars 2021 í Løkshøll í Runavík. Hettar er stóri finaludagurin hjá bogaskjúttum, og samstundis eisini hátíðarhald, í samband við 30 ára stovningardagin hjá Bogaskjótifelagnum Ørvi.
Vit ynskja at gera so nógv burturúr, sum gjørligt, og hava í tí sambandi fingið Løkshøll til at halda kappingina í. Byrjað verður kl 9.00 um morgunin, har tey vaksnu skjóta, og síðani verður barna- og ungdómskappingin klokkan áleið 13.30.
Eftir hvørja kapping verða heiðursmerkir handaði, umframt at steyp verða handaði til Grand Prix vinnararnar hjá teimum vaksnu.
Bogaskjótifelagið Ørvur, sum er vertur fyri stóra finaludagin, hátíðarheldur í hesum sambandi eisini 30 ára stovningardag, sum var 3. mars.
Miðlar, sum ynskja at vísa stóra degnum ans, skulu vera hjartaliga vælkomin, og ynskja tit nærri upplýsingar í samband við ársdagin, so kunnu tit kontakta umboð fyri Ørv, Jóannes Poulsen á tel. 217333.
Mest lisið í farnu viku
Samband
Heygsvegur 8
490 Strendur