Kambur farin á sín fjórða túr
-Vit gjørdu ein góðan túr við Ísland, har vit fingu 270 tons á knappum 30 setum, so tað var í lagi. Fleiri dagar var veðrið vánaligt, so vit settu ikki altíð tað, vit ynsktu. Vit hava fiskað alla íslandskvotuna og fara nú avstað aftur; og hesaferð fara vit at royna við Føroyar,-
Tað segði Mortan Mortensen, skipari, á frystilínuskipinum, Kambi.
-Eg ætlaði avstað leygardagin, men tíbetur varð ætlanin broytt. Veðrið hevur verið stak vánaligt um páskirnar, so tað var gott at vera heima,- segði hann.
-Vit mugu óivað royna undir Føroyum til endaliga avgerðin er tikin um kvoturnar á Flemish Cap og við Eysturgrønland. Vit vóna, tað verða eginkvotur; so vit sjálvir kunnu avgera, nær vit fiska tær,- segði Mortan Mortensen.
Kambi, sum varð keyptur síðsta heyst, fór á sín fjórða túr í gjár. Teir eru væl nøgdir við skipið, og 16 mans eru við.
Teimum og sjófólkunum annars verður ynskt Guds signing og varðveitslu.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur