Nú nærkast summarferian av álvara fyri alt kórvirksemið. Hetta hevur verið eitt aktivt og spennandi sangár við nógvum framførðslum og konsertum.

Eftir ætlan skuldi kórið á sangferð til Svøríki í maj, men er hendan ferðin útsett til maj 2022.

Ístaðin ferðast vit í egnum landi, og fara í døgunum 14 - 16 maj á eina sangferð til Suðuroyar, har vit m.a. hava konsert í Salt leygarkvøldið 15.maj kl. 20.00 og syngja til Gudstænastu í Vágs kirkju sunnumorgunin 16. maj kl. 11.00.

Eftir summarsteðgin taka vit nýggjar sangarar uppí, men er onkur, ið hevur hug at syngja bass, ert tú longu nú vælkomin uppí kórið, tað sum eftir er av hesum sangárinum.

Send okkum eini boð, um tú hevur hug at syngja við. www.tonleikur.dk