Arbeiðið at gera nýtt skjótianlegg inni á Sandvíkum varð boðið út 26. mars. Bara Articon lat boð inn.

Tilboðið er síðan lagað til eftir tilmæli, og talan er nu um ein heildararbeiðstøkusáttmála uppá 7,7 miljónir. Hetta merkir, at samlaði kostnaðurin fyri alt prosjektið kemur uppá 10,39 miljónir.

Mælt verður nú til at samtykkja sáttmálan uppá 7,7 miljónir. Sambært tilmælinum verður heildarkostnaðurin 10,39 miljónir og mælt verður til at útvega restfíggingina uppá 2,39 miljónir, áðrenn arbeiðið fer í gongd.

Mentamála- og fíggjarnevndin taka undir við hesum, og málið verður lagt fyri býráðið í kvøld.