Eldur í Varðanum Pelagic á Tvøroyri (dagførd kl 11:34)
Løgreglan biður fólk um at fara burtur úr økinum. Sløkkiliðið er fyribils steðgað við arbeiði sínum.
Tað er eldur á Varðanum Pelagic á Tvøroyri.
Sløkkiliðið úr allari oynni er á Tvøroyri, men man er fyribils givin við royndunum at sløkkja eldin. Nú verður bíðað eftir at Brimil og Tjaldið koma á Tvøroyri at hjálpa við sløkkiarbeiðinum.
Politiið heitir á øll fólk á økinum um at halda seg vekk. Øll sum búgva innanfyri ein kilometur at virkinum verða biðin um at fara frá húsum. Eldurin er stórur og ammoniakk er á virkinum. Roykurin er tí sera vandamikil at anda í seg, umframt at vandi er fyri spreinging.
Heitt verður á fólk um at fara frá húsum, og burtur úr økinum. Tey sum eru á Tvøroyri, í Líðini og Trongisvági skulu suðureftir tí ættin skiftur.
Uppsamlingsstøð eru: Skúlin í Hvalba og Miðnámsskúlin í Hovi.
Strandferslan boðar frá at Smyril siglur á Vág, og ikki Drelnes. Túrurin kl 15:00 verður tískil av Vági.
Mest lisið í farnu viku
Samband
Heygsvegur 8
490 Strendur