Ruddingardagur verður leygdagin 8. mai
Runavíkar kommuna heitir, aftur í ár, á allar borgarar um at taka lut í árligu ruddingini og á tann hátt verða við til at fríðka um heimstaðin.
Morgunmatur verður, sí hvar niðanfyri. Aftaná fara vit at rudda.
Starvsfólk frá verkstaðnum á Lambareiði, undir leiðslu av Jógvan Christiansen tlf. 237055, syrgja fyri, at ruskið verður heintað í samstarvi við IRF.
Ruskið
Vit vilja heita á øll um at skilja ruskið soleiðis:
· Alt smátt rusk til at brenna, kann koyrast í posarnar
· Stórir lutir at brenna, skulu í ein bunka fyri seg
· Jarn skal liggja fyri seg
· Um tit finna dunkar við olju ella líkandi, so skal hetta stillast við vegin
Posarnir og ruskið skulu leggjast á eitt sjónligt stað á ein av teimum størru vegunum, so at tey, sum heinta ruskið, hava lætt við at síggja, hvar ruskið liggur.
Morgunmatur verður á hesum støðum kl. 9.00, og har kunnu posar og handskar heintast fram til kl. 13.00:
- Æðuvík – í missiónshúsinum – Karhild Davidsen er samskipari tlf. 219281
- Rituvík – á spæliplássinum – GG! Morgunmatur er kl. 10.00 - Súsanna Debes er samskipari tlf. 263620
- Runavík, Saltangará og Glyvrar – niðri á Støð á Glyvrum, har bátafelagið á Bakka heldur til – Bátafelagið á Bakka er samskipari tlf. 218788
- Lamba og Lambareiði – í skúlanum í Lamba - Bárður Højgaard er samskipari tlf. 221328
- Søldarfjørður og Skipanes – á spæliplássinum í Søldarfirði - Petur Hansen er samskipari tlf. 508575
- Skála – í ítróttarhøllini á Skála – Heidi Niclasen er samskipari tlf. 269614
- Skálafjørður – í gamla skúla – Ása Hansen er samskipari tlf. 515858
- Oyndarfjørður – í skúlanum í Oyndarfirði - Ingeborg Klein er samskipari tlf. 744370
- Funningsfjørður – í skúlanum í Funningsfirði – lokalnevndin er samskipari tlf. 216630, 250107, 219122
- Elduvík – í skúlanum í Elduvík - Dánial Martin Hansen er samskipari tlf. 582505
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur