Í 2012 varð lógin um Tilbúgving samtykt.

Í 2017 varð tilbúgvingarætlanin hjá Sands kommunu liðug.

Í hesi tilbúgvingarætlan metti kommunan um váðan í kommununi, og lýsti hvørja útgerð kommunan hevur tøka at handfara tær eventuellu neyðstøður ið kunnu íkoma.

Viðvíkjandi Sandoyartunlinum sum nú er fokus á, Guð havi lov spældi alt væl av hendan dagin eldur varð í, so er púra greitt at sambært lógini kemur tunnilsarbeiðið undir §15 í lógini, sum ásetur at slíkt arbeiðið sum eitt nú samferðsluútbyggingar, skulu hava egna virksemistilbúgving.

Í viðmerkingunum til lógaruppskotið, sum standa niðanfyri, er greitt at Brunaumsjón Landsins kann áleggja virkseminum, t.v.s Tunnilsfelagnum, at hava supplerandi útgerð, m.a til eldsløkking, um Brunaumsjónin metir at tann kommunala tilbúgvingin ikki røkkur til.

Brunaumsjón Landsins hevur allatíðina vita, hvørja útgerð og manning ið kommunan hevur og kann veita, og hevur helst mett at innsatsurin frá kommunalu tilbúgvingini er nokk, ella høvdu teir kravt meiri av virkseminum, Tunnilsfelagnum.

Sløkkiliðini í oynni kunnu neyvan lastast fyri nakað í samband við hesa hending.

Sløkkiliðini komu á staðið við teirri útgerð og fólki sum varð tøkt, og tá tað ikki varð mett nøktandi longur, gjørdu teir sum Tilbúgvingarætlanin fyri kommununa áleggur teimum, nevnliga at senda boð eftir grannahjálp, hesuferð úr Havn.
Brunaumsjonin eigur nú at fara at hyggja uppá, um meiri útgerð skal til í byggifasuni.

Eisini eigur Brunaumsjónin at hyggja uppá, hvørt ætlanin hjá tunnilsfelagnum er forsvarlig til lidna tunnilin, at dimensionera blásiútgerðina soleiðis at allur roykurin verður blástur út sandoyarmegin, so at innsatsurin kann verða norðaneftir, frá Tórshavnar Sløkkiliði. Ella um meiri útgerð skal til sandoyarmegin, og hvør eventuelt skal halda kostnaðin av hesum.

Tað verður áhugavert at frætta viðari.