Skulu vit tvangskoppseta Jenis?
Øll koppseting er mær vitandi frívillig, eisini ímóti corona. Tí eru fleiri sum ikki fara at lata seg koppseta, eins og onkur helst er og hevur verið í Landsstýrinum, sum ikki hevur vilja latið børn síni koppseta, av vanda fyri fylgisjúkum av koppsetingini.
Hetta er eitt frítt land, og ongin er tvungin at koppseta seg.
Hví er tað so óheppið at Jenis ikki vil lata seg SJÁLVAN koppseta.
Jú, tí at hann situr í landsstýrinum verður sagt, og tí hetta gongur ímóti politikkinum hjá landinum.
Men gerð tað nú tað?
Er hetta ikki júst í trá við politikkin, at hetta er frívilligt, og at hetta er eitt frítt land?
SKAL Jenis tvingast at verða koppsettur, tvingast til at halda at ongi hjáárin eru av koppsetingini ella tvingast til at tiga um hvat hann persónliga ætlar sær?
Øll landsstýrisfólkini í einum landsstýri eru ikki altíð samd um hvat er gott og gagnligt, eins og løgtingsfólk í eini samgongu heldur ikki eru tað. Og hetta er ikki bara galdandi fyri hetta politiska stýri sum nú situr.
Eg haldi hetta uppstandilsi er ein stormur í einum vatnglasi, og vitnar um at persónliga frælsið er undir stórum trýsti í hesum døgum.
Og fívilin á Fólkatingi er galliónsfigurur í hesum manipulistiska glantrileiki, har øll helst bara skulu tiga og makka rætt yvirfyri bólkatrýstinum í kjalarvørrinum á corona.
Vil man hava eitt samfelag sum ikki er vítt til veggja, og har ivasamar røddir verða køvdar, finnast nógv av teimum í Miðeystri. Lat okkum ikki ynskja okkum somu tilstandir her sum har!!
Mest lisið í farnu viku
Samband
Heygsvegur 8
490 Strendur