Nú sær betri út
-Vit hava fingið væl minni av gulllaksi higartil í ár enn síðsta ár. Nú er vónandi vend komin í og fiskiskapurin er betri. Fiskiskapurin var brúkiligur fyrru hálvu av apríl, men seinna hálvan og allur mai mánaði hevur verið sera vánaligur,- Tað sigur skiparin á Skorabergi, Jan Erik Tørslev Petersen.
- Vit skylda uppá tað drúgvu og køldu høgættina, sum var meginpartin av mai. Høgætt er vánalig til fiskiskap allastaðni á okkara leiðum,- sigur hann.
-Støddin á gulllaksinum er góð, tá vit royna djúpt, men minkar, grynnri vit royna.
Vit landaðu 230 tons í Kollafirði í gjár og høvdu verið úti í seks dagar. Tað er brúkiligur fiskiskapur,- sigur Jan Erik.
Bæði Skoraberg og Fuglberg tóku ís á Toftum í gjárkvøldið, áðrenn teir fóru nýggjan túr.
Tá vitjaði sjómanstrúboðarin umborð og hevði andakt umborð á báðum skipunum.
Teimum, og sjófólkunum annars, verður ynskt Guds signing og varðveitslu.
kelda: facebook.com/sjomansmissionin
Mest lisið í farnu viku
Samband
Heygsvegur 8
490 Strendur