Dollin – havnarmaðurin sum skrivaði heimssøgu
Vit hava øll sæð ótespiligu myndirnar av børnum og ungfólki við ongum hondum. Myndirnar blivu tiknar í Kongo í Afrika og ferðaðust víða um heim fyri hundrað árum síðani.
Tað var Havnarmaðurin, Daniels Jacob Danielsen, vanliga nevndur Dollin, sum fekk ræðuleikan í Kongo fram í ljósmála. Dollin vaks upp í Havn og var trúboðari í Afrika.
Daniels Jacob Danielsen, Dollin, var føddur 25. juni 1871. Sostatt eru 150 ár liðin, síðani Dollin varð borin í heim.
Hann ritaði navn sítt í heimssøguna við sínum stríði og avriki móti harðskapi móti fólkinum í Kongo.
Á 150 ára føðingardegnum verður skipað fyri minningarhaldi fyri hesum merkismanni.
Tiltakið verður fríggjadagin 25. juni frá kl.16-18.
Dollin liggur grivin í kirkjugarðinum á Svínaryggi. Fyrst verður kransur lagdur við grøvina á Svínaryggi, og síðani verður farið yvir í Auluna í Finsen til stuttar framløgur og tónleik.
Heðin Mortensen, borgarstjóri, bjóðar vælkomin. Oddur á Lakjuni fer at greiða frá um bakgrundina fyri tí, sum hendi í Kongo. Og so fer Óli Jacobsen, sum hevur skrivað bók um Dollan, at greiða frá stríðnum hjá Dollanum fyri fókinum í Kongo og altjóða viðurkenningini, sum hann hevur fingið fyri bardaganum. Endin var, at Leopold kongur annar í Belgia mátti geva Kongo frá sær.
Tónleikur verður við Róki Jákupssyni Jakobsen, Ólavi Jakobsen og Bárði á Lakjuni. Teir eru allir í ætt við Dollan.
16:00 – Leggja krans við grøvina á Svínaryggi
16:05 – Ganga yvir í Auluna í Finsen
16:15 – Heðin Mortensen, borgarstjóri, bjóðar vælkomin
16:30 – Oddur á Lakjuni, søguliga bakgrundin fyri tí, sum hendi í Kongo.
16:50 – Óli Jacobsen, søgan um Dollan
17:15 – Tónleikur
17:45 – Drekkamuður
18:00 - Liðugt
Til ber at melda seg til tiltakið á Facebook.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur