Er tað vandamikið at anda ammoniak í seg?

Allur roykur er giftigur á ein ella annað hátt. Tí skal man altíð halda seg vekk frá royki. 

Ammoniak er eitt sera ógvusligt basist evni, sum kann vera sera keðilig at fáa á húðina. Nakað heilt annað ger seg galdandi um ein andar amoniak í seg.

Ammoniak luktar sera illa og nógv. Tað vil siga, at øll sum koma í samband við hetta evnið, leggja skjótt merki til tað bara av luktinum.

Um tú ikki merkir ammoniakluktin, fært tú ikki skaða av evninum. Orkar tú at vera í ammoniakluktinum, tað vil siga, at tú ikki fært trupulleikar við at anda, so fært tú ikki varandi mein.
Tú skal anda serstakliga stórar mongdir av ammoniakroyki í teg, áðrenn tú kanst fáa varandi mein á lunguni.
Ammoniakroykur byrjar at vera vandamikil, tá tú slett ikki fært andað, og tað tykist sum um, at tú kvælist og mást renna burtur frá roykinum.
Í sera ógvusligum tilburðum er ein møguleiki, at vatn kemur á lungun, hetta kann hava við sær, at tú doyrt. Hetta kann henda, um tú stendur beint við síðuna av ammoniakgoymsluni, inni í sama rúmi, uttan fríska luft, tá stórur leki er.
Er eldur í, og ammoniakroykur kemur út í luftina, verður evnið skjótt blandað við luftina, og tí eru mongdirnar, sum ein kann anda í seg, ikki nóg stórar til at skaða fólk, sum eru nærhendis.
Tá ammoniak er hitað upp, hvørvur tað skjótt uppeftir saman við roykinum, tí ammoniakdampur er lættari enn luftin.
Tí er rættiliga sikkurt, at tað ikki er skaðiligt at vera nærhendis ammoniakroyki, hóast tú bert ert nakrar hundrað metrar frá ammoniakroykinum.

Er tað vandamikið at drekka vatn sum er dálkað við ammoniak?

Møguleikin fyri at drekkivatnið er álvarsliga dálkað av ammoniak er tengdur av hvussu tætt vatnveitingin er við sjálvt útlátið og hvussu nógv ammoniak síðani verður blandað við vatnið.
Ammoniak blandar seg lættliga við vatn. Men aftur her skulu ovurstórar mongdir av ammoniak í vatnið áðrenn tað hevur nakran tíðning fyri tey sum drekka vatnið.
Ph virðið á vatninum skal hækka ógvuliga nógv áðrenn vatnið gerst ódrekkandi.

Kann ein tangi við ammoniak spreingjast tá eldur er í?

Um eldur kemur í og ein tangi við ammoniak verður hitaður er óhugsandi at hann skuldi farið í luftina. Hesar skipanir eru so mikið tryggar at sannlíkindini fyri spreinging eru sera lítlar, so lítlar at man metir tað trygt nokk at hava hesar tangar og skipanir inni á virkjum har sum fólk arbeiða.

Í allarflestu førum eingin grund til at vera bangin ella fara í panik tá ammoniakútlát er tí møguleikin fyri at nakar fær varðandi mein av hesum er sera lítil.