Í dag, sunnudagin 18. juli, hevur H. H. Drotningin vitjað á Strondum.

Fyrst vitjaði Drotningin við Sjóvar kirkju til almenna móttøku. Nes Sóknar Musikkfelag spældi nøkur løg, og Alisa Johansen handaði Drotningini eitt blómutyssi. Síðani helt borgarstjórin, Artur Johansen, eina røðu, áðrenn leiðin gekk inn í Sjóvar kirkju. Kári í Garði greiddi frá um kirkjuna, og kórið Silvitni sang trý løg. Til seinast var Margretha Drotning boðin til ein drekkamunn í kirkjuhúsinum.

Seinni steðgur á Strondum var á Snælduni. Carl Johan Olsen, “Kalli” og frú Mia Olsen bjóðaðu H. H. Drotningini vælkomnari, áðrenn Maritt Skaal Olsen handaði Drotningini eitt blómutyssi. Síðani vísti Maja Skaale Olsen Drotningini runt og greiddi frá um familjufyritøkuna.

Í handlinum hjá Snælduni handaði borgarstjórin Margrethu drotning eina gávu frá kommununi. Drotningin fekk eisini gávu handaða frá Snælduni.

Her eru fleiri myndir hjá Klaru Johannesen