Nógv fólk til burðardyggan hugna í Posthúskjallaranum
Mikudagin 29. september var altjóða ST-dagur fyri tilvitan um matvørusvinn- og oyðsl. Í hesum sambandi bjóðaðu Umhvørvisdeildin hjá Tórshavnar kommunu og Slow Food Føroyar til burðardyggan hugna í Posthúskjallaranum.
Umleið hundrað fólk løgdu leiðina framvið, tá Hotel Brandan bjóðaði ískaffi og køku úr avlopsvøru, DJ Übernörd diskaði diskotónleik og øll hjálptust um at skera avlopsgrønmeti, meðan kokkurin, Súsanna Danielsen, skipaði fyri leskiligari súpan til øll.
Rógvi Mikkelsen, hotelleiðari á Hotel Brandan, Ejler Johannesen, marknaðarføringsleiðari hjá P/f Poul Hansen og Áhandli og Bjørg Dam, forkvinnan í Náttúru- og Umhvørvisnevndini hugleiddu um matoyðsl og um, hvat vinnan og kommunan kann gera fyri at minka um nøgdirnar av góðum matvørum, ið verða blakaðar burtur.
Tá ið tiltakið endaði, tóku fólk avlopsgrønmeti heimvið, og allerhelst vóru fleiri, ið fóru heim við ágrýtni og íblástri til at minka um teirra matoyðsl.
At minka um nøgdina av burturkasti er ein av hornasteinunum í umhvørvispolitikkinum hjá Tórshavnar kommunu. Matoyðsl er ein stórur partur av okkara burturkasti, og tí fer Umhvørvisvikan í 2022 at snúgva seg um matoyðsl.
Vit gleða okkum til at síggja tykkum á Umhvørvisvikuni, har vit vónandi kunnu koma saman aftur um at bjarga og gagnnýta fleiri góðar rávørur.
Mest lisið í farnu viku
Samband
Heygsvegur 8
490 Strendur