Sera stórur eftirspurningur er eftir at lata seg kanna fyri koronu. Sunnudagin vórðu knapt 3.000 fólk og kannaðu seg fyri koronu á Eystaru bryggju.

Frá í dag og restina av vikuni verða koronukanningarnar í Havn fluttar av Eystaru bryggju í Skúlan á Argjahamri, har til ber at kanna enn fleiri fólk, um tørvur er á tí.

Fyribils verða koronukanningarnar á Skúlanum á Argjahamri til og við sunnudagin 7. november.

Gev gætur, at fólk skulu úr bilinum og inn í skúlan, tá tey skulu kannast.