Útgávutiltak við nýggjari bók hjá Moniku Stauss Joensen!
Sunnudagin 28. november kl. 16 verður útgávutiltak í Báta- og Listasavninum í Leirvík við bókini Av Matterhorn í Leirvíkstún, sum Monika Stauss Joensen, violinleikari og rithøvundur, hevur skrivað!
Bókadeildin gevur bókina út.
Skráin
- Turið Kjølbro, ritstjóri á Bókadeildini, bjóðar vælkomin.
- Monika og Ólavur Jakobsen spæla eitt lag.
- Paula Gaard, bókmentafrøðingur, hevur stutta samrøðu við Moniku um bókina.
- Osmund Justinussen sigur nøkur orð.
- Monika og Ólavur Jakobsen spæla eitt lag.
Bókin verður seld fyri serprís á tiltakinum. Eysturkommuna bjóðar kaffi og køku.
Um bókina
Hvussu fótar tú tær í landinum, har tú búsetir teg? Hvussu lærir tú málið? Á hvønn hátt heldur tú fast við tað, tú hevur við heimanífrá, og hvussu gevur tú børnum tínum lut í tí, samstundis sum tú vilt gerast partur av landinum, tú hevur valt at búseta teg í?
Í Av Matterhorn í Leirvíkstún eru áhugaverdar, nemandi og hugfarsligar hugleiðingar um, hvussu tað er at búseta seg í Føroyum sum útlendingur, har alt er so nógv øðrvísi enn tað, tú kennir úr heimlandinum. Vit kunnu lesa um ymiskt, Monika Stauss Joensen hevur møtt á leiðini, saman við familju og vinum og sum yrkistónleikari úti og heima. Her eru forkunnugir minnisbitar, sum reika aftur í barnaárini í Sveis, og sum knýta seg í tíðina í Føroyum, og sum binda alt saman.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur