Skipini finna ongan markel, men tað gera fiskifrøðingar
Felagskanningar siga at meira er til av makreli. Men skipini siga, at tey finna ongan makrel. Veiðan higartil tíður uppá, at tað ikki er so nógv til. Makrelur er meginparturin av tilfeingisgjaldi landskassans
25 august visti Havstovan at siga frá felagskanningum hjá Havstovunum í norðurhøvum, at tað var meira makrelur í sjónum.
Felagskanningar eru samstarv har rannsóknarskip í ymiskum londum gera kanningar samstundis, fyri at meta um støddina av fiskastovnum. Ein av hesum stovnum er makrelur.
Kanningarnar í ár vístu, at tað var meira makrelur í ár enn í fjør. Tó var minni enn øll árini aftur til 2012 burtursæð frá 2018 og 2020.
Kanningar verða gjørdar við tólum, sum fiskiskip brúka. Men teir brúka bara ein part av tólunum. Hvussu neyvar slíkar metingar eru, kann tí neyvan avgerast við vissu. Fyri árum síðan tosaði R7 við Torfinn Gangstad, sum er gamal skipari og var við rannsóknarskipinum. Hann og ein norskur fiskifrøðingur vóru ósamdir í bløðunum. Fiskifrøðingar søgdu, at mátingarnar vóru rættar, meðan Gangstad meinti, at tær vóru rættuliga skeivar.
Tað er vanlig uppfatan millum teir sum fiska, at makrelstovnurin fyri nøkrum árum síðan var nógv størri enn tað fiskifrøðingar siga. 3-5 ferðir so stórur eru metingar eg havi hoyrt. Men nú meta somu persónar, at stovnurin er minni enn tað fiskifrøðingar siga.
Jens Christian Holst, sum er fiskifrøðingur, men gavst, tí hann ikki var samdur við hinar, skrivaði grein fyrr í ár, har hann stúrdi fyri at makrelurin kundi enda norðalaga á toskaleið í Barentshavinum.
Uppsjóvarskip brúka ymisk tól til at finna fisk. Hóast tey eru betri enn tey vóru fyrr, so eru tey ikki so neyv sum lýsingarnar vilja verða við. Har er framvegis langt á mál. At avgerða stovnsstødd eftir ekkoloddi og øðrum tólum er neyvan lætt.
Tað við sama feili og tí sama misvísningi sum grundarlag fyri at samanbera millum ár, heldur neyvan. Undrritaðii hevur, hóast nógv ár síðan, hugt í ekkolod í fleiri ár og royndir menn sum fiskaðu nógv, vóru ikki vísir í tí stóra. At tól skulu verða farin frá at finna lív í sjónum til at telja fiskar pr. fiskaslag umframt at støddarsortera, sæst ikki aftur í veiðuni.
Makrelur er stórur partur av lívsgrundarlagnum hjá Uppsjóvarskipum. Hann hevur høgan prís og er skjótur at fiska. Tí hevur tað stóran tídning fyri rentabilitetin hjá skipunum. Harumframt er makrelur trivaligur partur av tilfeingisgjaldinum. Makrelurin er helst 80% av tilfeingisgjaldinum sum landskassin fær, tó at tað i krónum verður útrokna øðrvísi.
Mest lisið í farnu viku
Samband
Heygsvegur 8
490 Strendur