Men Eg eri maðkur og ikki maður, menniskjum til spott og vanvirdur av fólki. Sálm.22.7

Um so syndir tykkara eru ... reyðar sum purpur, skulu tær verða sum hvít ull. Es.1.18

Niðurtraðkaður, vanvirdur, lægstur av lægstum! Er tað gjørligt, at Harri okkara skuldi verða lýstur soleiðis? Tað var bara Hann Sjálvur, sum gjørdi tað! Tað er áhugavert, at orðið fyri “maðk” er tað sama sum “purpur” – orðið, sum varð brúkt at lýsa syndir við djúpasta liting! Vit at sora maðkar fekst litevnið purpur. Á krossinum var Sorgarmaðurin, sum ikki kendi til synd, gjørdur til synd fyri okkum og soraður undir tí dóminum, Es.53.5,10. Máttu vit úhelt kærleika okkara fyri honum.

Úrvalt - Páll Poulsen týddi úr enskum

Á, ásjón, háðað, bannað,

so blóðig, sligin, særd,

á, tornakrýnda panna,

á, ásjón, spýtt og bard!

Á, høvur, tú, sum ræður

í dýrd og heiður nú,

ein ormur, ikki maður,

á krossinum vart tú!

2. Á, Jesus, Lambið særda,

í vár stað hekst tú har,

vár straff og byrði var tað,

sum lá so tungt á tær!

Vit takka tær av hjarta,

ja, fyri alt, tú leið,

ta kvøl, hitt myrkrið svarta,

tey tungu spor, tú steig!

3. Ja, okkum lær tilbiðja

teg, tú, sum ert so nær,

og lat ta tøkk, vit siga,

á, Harri, toknast tær!

Lat okkum altíð minnast

ta tyngd, sum á tær lá,

inntil hjá tær vit finnast

og takka betur tá!

*Bernard úr Clairvaux, 1091–1153.

{Lag 1: Hans Leo Hassler (Týskl.), 1564–1612}.

{Lag 2: Melchior Teschner (Týskl.), 1584–1635}.

(V. Danielsen týddi úr norskum).

Nr.952 í NSGF 2015